RSS Feed

More dan reminiscin dis time.

Comments Off on More dan reminiscin dis time.

December 20, 2020 by Fensic

I eh tink I go be exaggeratin tuh say eef ever going dong memory lane fuh Christmas was ah good ting an sorely needed, now would be it. Dis time is more dan ah Trini Christmas.

One of de reasons I does do it is to recapture an innocence lost. My innocence.

It disappear de same way it does fuh everybody else — gradually. All ah know is one mornin ah wake up, look arong an ask, “buh wait nah, what happen tuh Christmas?”

Den dis year happen.  

Braps!

In mere months what used tuh happen slowly over years done happen. Left is too many reminders ah all de tings dis brazen 2020 mash up. Not tuh mention what we eh know bout yet— besides Carnival— dat it go mash up in 2021.

Across de world.

Wid everybody.

At de same time.

De fact is me eh have no words ah wisdom fuh nobody. I ridin it out best I can like everybody else. Where an when me eh know how I makin it up.

I still tryin tuh figure out how tuh press de flesh wid mih 90-year old fadder. Social media just not cuttin it. Never tort we’d be in dis position back in February.

Meanwhile, life’s regular twists an turns keep twistin an turnin.

Dis year more dan ever dis trip dong my memories of Christmas is more dan just dat even though it not supposed tuh be. All ah wanted when ah first started was tuh reminisce, bring ah smile tuh faces. Who knows, somebody might have gone dong dey own lane.

Now de trip might be eider de hardest or de easiest trip dey ever make. Each person go have tuh decide eef too many bad 2020 memories litterin de road.

But, since dis is all about reminiscin remember dis. Makin de trip mean you is one who get tuh fight anudder day. You are ah survivor.

So go.

Do more dan survive so you can keep reminiscin.

Enjoy My Trini Xmas

 

Not complete without dis flashback to a bard. 


Comments Off on More dan reminiscin dis time.

Sorry, comments are closed.

Subscribe nah

Enter yuh email address. Yuh go get emails orn new posts.

December 2020
S M T W T F S
 12345
6789101112
13141516171819
20212223242526
2728293031  

Various topics

Torkin by month

Follow

Get every new post on this blog delivered to your Inbox.

Join other followers:

%d bloggers like this: