We eh parangin’ no wrong house.

Everybody makin’ black cake while moppers waitin’ wid dey belly in dey han’.

Ole Years night an’ mih mudder temptin’ fate yet again  standin’ in de middle ah de road at midnight fuh luck. Tuh me de onlyest luck was she eh get she tail bounce dong.

De radio blastin’ song bout let it snow, let it snow when de temperature is 90 degrees in de shade.

All dem tings an’ more could mean only one ting.

In honor ah dat an’ de onlyest place dat could ever have it, ah bringin’ back someting ah tort ah did do only ah few months ago, buh is ah whole year dat done parse ahready. So, before ah next one parse voosh voosh, let mih reminisce.

Torkin’ about memories? Nap Hepburn.