RSS Feed

Yes, it reach back so is time . . .

Comments Off on Yes, it reach back so is time . . .

December 21, 2018 by Fensic

Ah next one about tuh go in de books.

De book ah Christmas dat everybody does accumulate over dey life ah mean. 

So, dis one feel like it sneak up orn yuh fuh de first time? Congratulations, yuh baxide gettin up dey in age. 

De joys ah de season eh really jolt mih until somebody in ah WhatsApp lime I in post ah video ah what does really keep de Christmas spirit goin from year tuh year, generation tuh generation. 

It was ah Christmas party fuh chirren. 

Tuh see dem little ones being true tuh what being chirren is all about was heartwarmin in one sense an borderin orn depressin orn de udder hand. 

It was orn de border ah sadness because like as we get older, we does replace innocence wid cynicism, especially eef family not de cornerstone ah we life.

De antidote is knowin dem chirren was buildin indelible memories. It go be up tuh dem tuh decide how tuh incorporate dem memories into dey life. 

Knowin dem chirren was being chirren in no udder place buh Triniland was heartwarmin. It offers boundless hope fuh dey destiny.

What would be interestin tuh see, say forty, even fifty years from now is how dey see dey memories of dese carefree times.

Maybe some institution dat does study de obvious go compare dem chirren future memories of now tuh my parse memories ah my Christmases. Granted de learned intellectuals go have tuh make allowances fuh changin values.

I didn’t have no ‘bounce house’ tuh play in an none ah de chirren from de video eh look like dey had we kind ah toys. Everyting we use tuh ask Santa for probably now fall in de, yuh-damn-mad-or-what-Santa-how-yuh-could-bring-shit-like-dat-fuh-chirren-tuh-play-wid-it-so-insensitive-tuh udders, category.

Ah bet de learned adults of my childhood had dey version ah dat. It was not my job tuh care doh.

Anyway, like ah say, ah next Christmas about tuh go in de books so is time fuh mih tuh offer up what ah start doin ah few Christmases ago just before Christmas. Dat is tuh describe what I remember of my own Christmas.

So smile eef ah touch one ah yuh Christmas memories.  Like dem chirren in de video might get touched forty, fifty years from now when one ah dem, ah  version ah me recount de kind ah Christmas dey had when dey was young. 

Confused? 

Den ignore dat larse part an just listen tuh my memories. Smilin is optional buh encouraged.

We go try again next year.

Roger Audain: Gone but not forgotten. Short, but well-played innings.


Trini Christmas memories




Ah still love dis oui.


Comments Off on Yes, it reach back so is time . . .

Sorry, comments are closed.

Subscribe nah

Enter yuh email address. Yuh go get emails orn new posts.

December 2018
S M T W T F S
 1
2345678
9101112131415
16171819202122
23242526272829
3031  

Various topics

Torkin by month

Follow

Get every new post on this blog delivered to your Inbox.

Join other followers:

%d bloggers like this: